Gazetari i njohur italian, Emilio Fede, është arrestuar pasi theu masën e “Arrestit shtëpiak”, dënim i marrë për akuzën e evazionit fiskal.
Sipas “Corriere Della Sera”, Fede u arrestua teksa ishte duke darkuar me gruan e tij, Diana De Feo, në një restorant, në Napoli.
“Arrestimi im? Ishte një gjë e tmerrshme. Kisha ditëlindjen dhe nga Milano vendosa që me mbarimin e arrestit shtëpiak të ikja për të kaluar dy ditë me gruan time. Ne shkuam në restorant për të ngrënë një picë, kur karabinierët arritën atje, duke më njoftuar për arrestimin për krimin e evazionit. Jam larguar nga Milano kur ende nuk kisha marrë nënshkrimin në shërbimet shoqërore, kjo është akuza që më bëhet. U shoqërova në hotel dhe tani as nuk mund të shikoj nga dritarja. Unë jam klaustrofobik, u operova dhe mezi mund të eci, duhet të shoqërohem dhe me shkop. Ishte një arrestim para të gjithëve, jam i tmerruar, se si mund të marrin ashtu një qenie njerëzore, e jo më Emilio Feden”, tha gazetari.
Gazetari 89-vjeçar ishte me gruan e tij në një restorant në Napoli, kur u ndalua nga 2 policë me veshje civile. Këta të fundit i komunikuan se kishte thyer arrestin shtëpiak.
