Redaktori i lajmeve në “RTV Ora”, Trazhgim Sokolaj, i ftuar në emisionin “Arena”, ka hedhur dritë mbi të tjera detaje lidhur me grabitjen e 10 milionë eurove në Rinas.
Ndonëse ende nuk ka një reagim zyrtar se sa para janë marrë, ai tha se rezulton që janë marrë 7 thasë nga 15 që ishin në total. Sokolaj shtoi më tej se kur autorët kanë hyrë në pistë, dhe kanë shkuar tek avioni, ka qenë procesi kur punonjësit ishin duke futur lekët në barkun e avionit. Po kështu, deri më tani janë sekuestruar tre automjete, ku në dy prej tyre janë gjetur prova.
“Protokolli që aplikon kompania e sigurisën është që në pistë nuk ka persona të armatosur, me përjashtim të rasteve kur jepet alarmi. Rinasi konsiderohet si një pikë kufitare. Në lidhje me shumën këto ditë ka pasur aludime, por ende nuk ka një reagim zyrtar.
Edhe kur ndodhnin grabitje në banka, ata e bënin një deklaratë. Paratë janë të siguruara, por shuma nuk është bërë e ditur. Kanë qenë tre furgona që janë nisur drejt Rinasit në 13:20. Punonjësit e policisë, kanë qëndruar në hyrje dhe në pistë kanë hyrë tre furgonat, me shoferë dhe nga një përfaqësues.
Bëhet fjalë për 15 thasë, dhe autorët kanë mundur të marrin 7. Kur autorët kanë hyrë në pistë, dhe kanë shkuar tek avioni, ka qenë procesi kur punonjësit ishin duke futur lekët në barkun e avionit. Deri tani janë 3 automjete të sekuestruara.
Në dy automjete janë gjetur prova. HD ka pasur disa zhvillime që të çojnë drejt identifikimit të autorëve. Dëshmitarët flasin edhe për të paktën 2 automjete të tjera. Janë përdorur disa furgona me targa të vjedhura dhe disa pa targa”, tha ai.
Hila: “Ka zbardhur kundër policisë karikatorë dhe i ka thënë pjesës tjetër të ikin. Kjo i ka dhënë kohë bashkëpunëtorëve. E kanë qëlluar bashkëpunëtorët, apo snajperët?”.
Sokolaj: “FNSH nuk ka snajper, vetëm RENEA ka snajper. Në informacionin tim, nuk ka ndodhur kjo. Thasët me para janë shpërndarë në disa makina. Automjeti me të cilin policia ka pasur kontakt pamor është ai tek ura, nga ku ka zbritur Murataj. Më tepër duket si një veprim gati vetëvrasës”.
