Kronikë

Thellohet skandali me policin/Zhduket denoncuesja, Lleshaj godet sërish

               Publikuar në : 11:30 - 12/02/19 marsela

Ministri i Brendshëm, Sandër Lleshaj, ka vizituar sot Komisariatin e Malësisë së Madhe. Polici Berhan Bajrakurti dyshohet se ka ngacmuar seksualisht një 15-vjeçare, duke i dërguar video me veprime të turpshme.

Në një pronocim të shkurtër për gazetarët, ministri u shpreh se janë në pritje të denoncuesit.

Ministri Lleshaj është shoqëruar nga kryetari i Bashkisë në Malësinë e Madhe, Tonin Marinaj, dhe drejtori i policisë vendore, Vehbi Bushati.

Gazetarët: Keni thënë se nëse shihni policë që nuk sillen mirë, ajo është fytyra ime?

Lleshaj: Fytyra e policëve është fytyra ime dhe e juaja, dhe e të gjithë juve dhe e shoqërisë tonë. Policët na përfaqësojnë ne të gjithëve. Cili polic?! Ai është arrestuar që mbrëmë!

Gazetarët: Është thënë që policia nuk ka pranuar denoncimin e vajzës?

Lleshaj: Kjo nuk është e vërtetë. Policia e Shtetit po kërkon që mbrëmë denoncuesin i cili nuk gjendet. Kush është denoncuesi?!

Gazetarët: Pse mbahet i ndaluar?

Lleshaj: Duhet të përandalojmë çdo mundësi intimidimi të çdo denoncuesi potencial. Fakti që nuk kemi denoncues, është pyetja më e madhe që ne do ta sqarojmë shumë shpejt.

Videoskandali i efektivit, Lleshaj vizitë urgjente në Malësi të Madhe

 

Kthehu
WhatsApp Denonco ne TT