Presidenti i Kosovës, Hashim Thaçi, do të dalë sot para Prokurorisë Speciale në Hagë, ku do të merret në pyetje për aktakuzën e ngritur për krime lufte.
Thaçi do të merret në pyetje si ish-drejtor politik i UÇK-së, i cili së bashku me disa ish-luftëtarë akuzohen për rreth 100 vrasje në luftën Kosovë-Serbi.
Aktakuza ndaj tij u publikua pak javë më parë, disa ditë përpara takimit në Shtëpinë e Bardhë për fillimin e dialogut Kosovë-Serbi.
Presidenti i Kosovës i ka mohuar akuzat e ngritura nga Prokuroria Speciale. Në një fjalim para popullit të Kosovës, Thaçi premtoi se nëse aktakuza do të vërtetohet nga Haga, atëherë ai do të japë dorëheqjen si President i Kosovës.
