Teuta ka arritur të mposhtë Partizanin në ndeshjen e sotme, me rezultatin 1-0.
Goli do të vinte në pjesën e dytë, pasi ekipi i Martinit ishte më i vendosur. Një krosim i gjatë pa kokën e Gomez që të pasonte për Kallakun. Mesfushori goditi fluturimthi, teksa më pas u përplas me Alban Hoxhën, që u kujtua shumë vonë të dilte.
Pas golit, Teuta menaxhoi situatën dhe vetëm pak shkëndija për Partizanin nuk mjaftuan. Menjëherë pas ndeshjes erdhi edhe reagimi i trajnerit të Teutës, Edi Martini i cili tha se e priste këtë rezultat.
“E kisha parë Partizanin shumë herë dhe i thashë djemve se duhet të kishim kujdes 15 minutat e para. Planet dolën ashtu si i menduam, edhe pse rrezikuam që të pësonim gol”, tha ai.
Në një prononcim për emisionin “Gol pas Goli” në Supersport, Martini përmendi edhe pikët e humbura në ndeshjen me Skënderbeun.
“Ky stadium më sjell fat! Sekreti? Puna, mundi dhe djersa e djemve në stërvitje. Fituam ndaj Partizanit, por duhet të kishim edhe pikë të tjera, si penalltia e humbur në Korçë dhe barazimi me Luftëtarit. Megjithatë, duhet të shohim përpara dhe me këtë ritëm, pasi i vdekuri nuk kthehet më… Mjafton që të ecim kështu.E kisha parë Partizanin shumë herë dhe i thashë djemve se duhet të kishim kujdes 15 minutat e para. Planet dolën ashtu si i menduam, edhe pse rrezikuam që të pësonim gol”, shtoi ai.
I pyetur nëse Kallaku kishte pësuar dëmtime, Martini u përgjigj se: “Jo, nuk është i dëmtuar. Do ta kalojë atë goditje, madje do të dalë në stërvitje shumë shpejt”.
