Gjatë 24 orëve të fundit janë testuar 8 raste të reja, nga ku në total numri i rasteve të testuara ka shkuar në 50. Të gjitha rastet kanë rezultuar negative për COVID 19. Shqipëria mbetet e paprekur nga koronavirusi, njofton Ministria e Shëndetësisë.
“Rastet kanë pasur shenja të infeksionit respirator dhe histori udhëtimi me vendet ku ka shpërthim epidemik dhe komunitar të koronavirusit të ri.
Në 24 orët e fundit në të gjitha pikat kufitare në total kanë hyrë 18,030 udhëtarë, të cilët janë kontrolluar, mbështetur në survejancën e përforcuar për monitorimin e temperaturës.
Në 24 orët e fundit në nr. 127 ka patur 1472 thirrje, nga të cilat 32 prej tyre janë vlerësuar në lidhje me infeksione virale respiratore dhe histori udhëtimi me Italinë”, thuhet në deklaratën e Ministrisë së Shëndetësisë.
