Italia është e izoluar nga koronavirusi, e ndërsa lëkundjet e tërmetit nga ana tjetër kanë shtuar edhe më tej frikën.
Një tërmet me magnitudë 5.6 sipas shkallës Rihter u regjistrua në veri të Greqisë, në afërsi të Janinës. Po të tjera lëkundje janë regjistruar edhe në Itali.
Sipas EMSC, lëkundjet kanë qenë të lehta, me magnitudë 3.5 sipas shkallës Rihter.
Epiqendra e tërmetit ka qenë 18 km në afërsi të L’Aquila, aty ku 11 vite më parë, në vitin 2009, një tërmet me magnitudë 6.3 goditi zonën, duke shkaktuar mbi 300 viktima.
Jo vetëm tërmeti, por italianët po përballen me një tjetër fatkeqësi, atë të virusit vdekjeprurës. Numri i viktimave në Itali ka shkuar në 4032 nga COVID-19. Vetëm në 24 orët e fundit kanë humbur jetën 627 persona.
Sipas mediave fqinje mësohet se edhe numri i të infektuarëve është rritur ndjeshëm, duke shkuar në total për të gjithë territorin e Italisë në 47.021 të sëmurë.
