Një tërmet i fortë është ndjerë gjatë mesnatës në Greqi. Lëkundjet e fuqishme janë ndjerë në orën 01:49.
Duke iu referuar të dhënave të raportuara nga EMSC, tërmeti ka qenë me magnitudë 5.6 sipas shkallës Rihter, dhe thellësi 2 km.
Epiqendra e tërmetit ka qenë 47 km në jugperëndim të Janinës.
Nga ana tjetër, grekët po përballen edhe me pasojat e koronavirusit. Në Greqi ka shkuar në tetë numri i viktimave nga koronavirusi, ndërkohë numri i të prekurve është 464.
Nga e mërkura janë mbyllur të gjitha bizneset në vend, me përjashtim të supermarketeve, farmacive, furrave të bukës, pikave të shumicës me ushqime, karburanteve dhe bankave.
Ndërkohë do të mbeten të hapura portet dhe aeroportet, si dhe urbanet, linjat interurbane, taksitë dhe metroja e Athinës.
