Kryeministri Rama mëngjesin e sotëm ishte në një takim me banorët e njësisë numër 10 në Tiranë. Në këtë takim të pranishëm ishin edhe kreu i bashkisë së Tiranës, Erion Veliaj dhe ish-ministri i Brendshëm Fatmir Xhafaj.
Rama foli edhe për situatën pas tërmeteve në Floq të Korçës, ku u shpreh se shtëpitë e prishura do të rindërtohen dhe për këtë do të përdoret edhe një pjesë e fondeve të fushatës. Po ashtu theksoi se do të bëhet një fond solidariteti të çdo bashkie, ku çdo bashki do të marrë përsipër ndërtimin e një shtëpie.
“Do bëjmë një fond solidariteti të çdo bashkie, çdo bashki do marri përsipër një shtëpi. Një pjesë të fondeve të fushatës do t’i fusim aty dhe si SS të japim ca kontribute, pastaj dhe diçka nga buxheti dhe do ta bëjmë se ishin dëmtuar shumë. Të paktën nga shtatori ata të futen në shtëpi se ngaqë është lart atje dhe është ftohtë”, tha Rama.
