Kryetarja e LSI-së Monika Kryemadhi solli në vëmendje mbrëmjen e sotme deklaratën e presidentit Ilir Meta bërë publike disa muaj me parë se një “tërmet apokaliptik do të godasë Ballkanin”. Ndërsa i bënte thirrje të vazhdueshme qeverisë që të ndërmerrte masa për sigurinë e qytetarëve.
E ftuara në emisionin “Open”, Kryemadhi u shpreh se pas kësaj deklarate, presidentin Meta e cilësonin si të “çmendur”, duke mos ia marrë për bazë alarmin që ngriti.
“Thonit u çmend Presidenti se paralajmëroi tërmetin. Kot nuk thotë Rama se ka fallxhoren në shtëpi. Ja fallxhorja e parashikoi. Dhe askush nuk e dëgjoi Presidentin, e quajtur të çmendur”, u shpreh Monika Kryemadhi.
