Lëkundjet e tërmetit nuk kanë të ndalur në Turqi. Për fat, nuk raportohet për të lënduar dhe as për dëme materiale, pasi një tërmet me magnitudë 5.3 rihter ‘shkundi’ Turqinë. Mediat bëjnë me dije se tërmeti është ndjerë mëngjesin e sotëm.
Lëvizjet tektonike janë shënuar në Elazig me magnitudë 5.3 të shkallës Rihter, dhe një thellësi prej afërsisht 16 kilometrash.
Lëkundjet e tokës u ndjenë edhe në Dijarbakir dhe Malatya. Ministri i Brendshëm, Süleyman Soylu qetësoi qytetarët se nuk kishte asnjë problem në terren.
“Një tërmet me madhësi 5.3 Rihter dhe 15.94 km thellësi u shënua në qendrën Elazig në orën 09:37. Deri më tani nuk ka ndonjë situatë negative. Të gjitha ekipet tona vazhdojnë skanimet e tyre në fushë. Ne do të vazhdojmë t’ju informojmë”, tha ai.
