Lëkundjet e tërmetit të regjistruar mbrëmjen e djeshme në vendin tonë, kanë lënë pasoja në Pukë, ku janë dëmtuar disa ndërtesa. Lajmi është konfirmuar nga Bashkia e Pukës, sipas së cilës edhe në spitalin e qytetit janë shënuar plasaritje dhe rënie suvash. Po kështu, janë konstatuar dëme tek disa pallate tek lagjia e muzeut, dhe 5 pallatet, ku sipas raportimit të banorëve ka plasaritje, nderkohë janë të dukshme demtimet në oxhaqet e pallateve.
EMSC shkruan se tërmeti ka qenë me magnitudë 4.6 ballë të shkallës rihter dhe epiqendra e saj ka qenë 12 km nga qyteti i Pukës, ndërsa thellësia e saj ka qenë 10 km. Lëkundjet janë ndjerë në Tiranë, Lezhë e Kosovë.
“Pak minuta më parë, Puka ka përjetuar një lekundje të fortë sizmike. Tërmeti që kishte epiqendren pranë Pukës, ka qenë i shkallës 4.7 ne thellësinë 2 km. Bashkia Pukë po nderlidhet për pasojat e kësaj situate. Deri tani nuk kemi informacione për pasoja fatale, ndërkohë që janë porositur administratorët dhe kryepleqtë e fshatrave të interesohen për pasoja të mundshme pas kësaj situate. Deri tani janë konstatuar dëme tek disa pallate tek lagjia e muzeut, dhe 5 pallatet, ku sipas raportimit të banorëve ka plasaritje, nderkohë janë të dukshme demtimet në oxhaqet e pallateve. Plasaritje dhe renie suvash ka dhe në spitalin e qytetit. Inkurajojm të gjithë banorët të rimarrin veten me shpresen se nuk do kemi paslekundje dhe për çdo shqetësim të informojnë në numrat pa pagesë 128 ose 129”.
