Presidenti në detyrë i SHBA-ve, Donald Trump ka reaguar menjëherë pasi Joe Biden bëri thirrje për heqje dorë nga dhuna.
Përmes një video-mesazhi në rrjetin social, Twitter, Trump u kërkoi protestuesve që të shkonin në shtëpi, edhe pse ishin të lënduar për vjedhjen e zgjedhjeve presidenciale.
”E di që jeni të lënduar, na u vodhën zgjedhjet dhe të gjithë e dinës sidomos pala tjetër. Por, ju duhet të shkoni në shtëpi tani, duhet të kemi paqe. Duhet të respektojmë njerëzit tanë, nuk duam të lëndohet askush, është një periudhë e vështirë. Është një kohë e vështirë që nuk ka qënë më përpara kështu. Ishin zgjedhje të manipuluara por nuk mund të pranojmë që të lëndohen njerëz. Duhet të kemi paqe, kështu që shkoni në shtëpi. Ne ju duam! Jeni shumë special E di se si ndiheni, por shkoni në shtëpi dhe shkoni në paqe.”, shprehet Trump.
— Donald J. Trump (@realDonaldTrump) January 6, 2021
Mbështetësit e Trump vërshuan në godinën e Kongresit dhe ndërprenë procesin e certifikimit të Joe Biden si President. Mes tensioneve pati të lënduar, madje një grua u qëllua me armë zjarri.
