Një shteas grek ka rënë në pranga të Policisë Kufitare në Kakavijë, pasi tentoi të trafikonte në vendin e tij një sasi të konsiderueshme municioni luftarak.
Bëhet fjalë për shtetasin grek me iniciale E.F., 49 vjeç, banues në Janinë.
Gjatë kontrollit të automjetit, shërbimet policore gjetën në pjesën e brendshme të mjetit një arkë metalike e mbështjell me rroba dhe një qese plastike, brenda të cilës kishte rreth 800 fishekë të kalibrit 7.62 mm.
Njoftimi i policisë:
Kakavije.
Policia Kufitare godet një tentativë për trafik të armëve dhe municioneve luftarake
Arrestohet në flagrancë një shtetas grek i cili tentoi të trafikonte për në shtetin grek një sasi të konsiderueshme municioni luftarak.
Sekuestrohen në cilësinë e provës materiale rreth 800 fishekë.
Shërbimet e Policisë Kufitare në zbatim të masave për parandalimin, evidentimin dhe goditjen e paligjshmërisë, si dhe në bazë të analizës së riskut , më datë 14.04.2019, në dalje të Republikës së Shqipërisë, kanë përzgjedhur për kontroll të imtësishëm në vijën e dytë një automjet që drejtohej nga shtetasi grek E.F., 49 vjeç, banues në Janinë.
Gjatë kontrollit të automjetit, shërbimet e Policisë Kufitare në PKK Kakavijë, në pjesën e brendshme të mjetit gjetën një arkë metalike e mbështjell me rroba dhe një qese plastike, brenda të cilës kishte rreth 800 fishekë të kalibrit 7.62 mm. Fishekët u sekuestruan në cilësinë e provës materiale