Ekstradohet nga Franca një 20-vjeçar, i cili ishte shpallur në kërkim ndërkombëtar për “Vrasje me paramendim”. Bëhet fjalë për shtetasin Klevis Filka (Vishka), lindur në Peshkopi.
Sipas policisë, i riu ishte shpallur në kërkim ndërkombëtar, pasi Gjykata e Shkallës së Parë Dibër ka vendosur masën e sigurisë “Arrest me burg”, për kryerjen e veprave penale “Vrasjes me paramendim e mbetur në tentativë” dhe “Mbajtja pa leje e armëve luftarake dhe municionit”.
20-vjeçari, në bashkëpunim me vëllain e tij kanë qëlluar me armë zjarri në drejtim të automjetit ku udhëtonin shtetasit me inicialet A.M ., dhe A.A., ku mbeti i plagosur rëndë shtetasi A.M.
Ai u shpall në kërkim nga policia, por Filka u ndalua nga autoritetet e sigurisë franceze pas bashkëpunimit midis Interpolit të Shqipërisë dhe Francës.
