Papa Françesku ka reaguar lidhur me tensionet e krijuara mes Turqisë dhe Greqisë për zonën e Mesdheut Lindor.
Përmes një postimi në Twitter, ai bën thirrje për dialog konstruktiv dhe respekt të së drejtës ndërkombëtare nga të dyja vendet, të cilat nuk po shuajnë dot tensionet mes tyre.
“Jam duke ndjekur me shqetësim tensionet në zonën e Mesdheut Lindor dhe bëj apel për dialog konstruktiv dhe respekt për të drejtën ndërkombëtare, për të zgjidhur konfliktet që kërcënojnë paqen e popujve të këtij rajoni”, shkruan Papa.
Situata e tensionuar mes dy vendeve vijon ende pas më shumë se dy javësh. Shkak u bë konfrontimi i drejtpërdrejtë midis anijeve luftarake të Turqisë dhe Greqisë, në ujërat në lindje të ishullit të Rodosit.
