Presidenti i Rusisë, Vladimir Putin ka zhvilluar një takim ditën e sotme me Bashar al-Asad në Siri.
Kjo vizitë vjen në kohën kur mes Iranit dhe SHBA-së janë rritur tensionet pas sulmit të kësaj të fundit ndaj gjeneralit Qassem Soleimani. Gjenerali Soleimani sapo kishte mbërritur në Irak nga Siria kur u vra nga një avion amerikan në aeroportin e Bagdadit.
Putin i tha Asadit se ishte bërë shumë për të rivendosur shtetësinë Siriane, ndërsa Asad falënderoi Putinin për ndihmën e tij në rivendosjen e jetës paqësore në Siri, njoftoi agjensia e lajmeve Interfax e Rusisë, duke cituar Kremlin.
Hera e fundit që Putin ishte në Siri, ishte në vitin 2017 kur vizitoi bazën ajrore të Rusisë Hmeymim.
