Protesta e opozitës para godinës së Kryeministrisë është tensionuar që në minutat e para. Pasi e sulmuan godinën me bojë, në drejtim të Kryeministrisë janë hedhur një sasi e madhe bombash molotov, dhe mjete të tjera piroteknike. Ka pasur edhe përplasje të protestuesve me policinë, për të cilën edhe kreu i PD-së Basha kërkoi që të ndalej, duke u shprehur se lufta e tyre nuk është me policinë dhe se ata janë vëllezërit tanë.
Pas këtyre ngjarjeve ka reaguar ministri i Brendshëm Sandër Lleshaj i cili ka kërkuar që qytetarët e përgjegjshëm të distancohen nga këto akte dhune, po ashtu shkruar se “Me Molotov nuk ndërtohet demokracia, por synohet të shkatërrohet Shqipëria.”
Postimi i plotë i Lleshajt:
“Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!
Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!”
Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!
Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!— Sandër Lleshaj (@SanderLleshaj) May 11, 2019
