Tensionohet situata në një prej KZAZ-ve të Dibrës. Protestuesit janë përplasur ashpër me policinë, duke bërë që këta të fundit të përdorin gaz lotsjellës për të shpërndarë qytetarët.
Raportohet se militantët e Partisë Demokratike, duke tentuar të futen me dhunë në KZAZ-në që ndodhet brenda shkollës së mesme ‘Nazmi Rushiti’, kanë sulmuar edhe efektivët e policisë.
Ndërkohë, konfrontime mes policisë dhe protestuesve janë shënuar edhe në KZAZ-të e Burrelit, Klosit dhe Bulqizës, ku simpatizantët e opozitë jo parlamentare synojnë të futen brenda në KZAZ për të dëmtuar materialet zgjedhore.
