Ministri i Brendshëm, Sandër Lleshaj ka folur në lidhje me luftimin e krimit në vend për vitin e kaluar.
I ftuar në emisionin “Kapital” në Vizion Plus, Lleshaj tha se gjatë vitit të kaluar janë goditur disa banda në qytetet kryesore në vend. Ministri nuk përmendi asnjë nga emrat e këtyre bandave, me arsyetimin se nuk donte t’i bënte reklamë.
Më tej, ai tha se “zhdukja e dhjetëra personave gjatë viteve të fundit në Vlorë” është vetëm një mit, pasi policia nuk ka arritur ta verifikojë një gjë të tillë.
“Është një mit që në Vlorë ka njerëz të zhdukur. Nuk kemi mundur t’i dokumentojmë me Policinë e Shtetit këto deklarata. Vlora është një qytetet që është vendosur siguria. Edhe Elbasani, Vlora, Shkodra, Tirana e Durrësi, njolla problematike të krimit që është e pashmangshme pasi ka më shumë popullsi. Por në vitin e kaluar disa banda janë goditur, nuk dua t’i them me emra se u bëj reklamë, dhe janë avancuar çështje të tjera. Në Elbasan nuk jemi mbështetur nga Gjykata, në dy raste nuk kanë gjetur mirëkuptimin e saj”, tha ai.
