Të shtëna me armë zjarri janë regjistruar mesditën e sotme në kryeqytet. Sipas informacioneve paraprake, mësohet se ka mbetur i plagosur një 19-vjeçar, i identifikuar si Reginaldo Kaçorri.
I riu është qëlluar nga dy persona pas një konflikti në ambientet e një lokali, në rrugën ”Liman Kaba”, pranë Kompleksit Olimpik.
”Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve.”, informon policia.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve.
