Këngëtarja Bebe Rexha ka zbuluar për mediat e huaja, se edhe prindërit e saj kanë qenë të infektuar nga koronavirusi. “Ata u infektuan… dhe ishin shumë të sëmurë për 3 javë, dhe u nervozova shumë”, është shprehur këngëtarja shqiptare.
Prej vitesh, Bebe jeton në Los Angeles, ndërsa prindërit e saj banojnë në New York. Ajo pranoi se e kishte menduar të shkonte pranë tyre, po ishte e pamundur për shkak të izolimit total të vendit. “Isha duke menduar ta bëja të gjithë rrugën me veturë…të kujdesesha për ta … Ata ishin aq të gatshëm për të mos na pasur mua dhe vëllanë tim atje, por më në fund u bënë më mire”, tha ajo.
Në muajin mars, këngëtarja e njohur Bebe Rexha, përmes një statusi në Twitter dha lajmin e hidhur se miku i një miku të saj, kishte vdekur për shkak të COVID-19. Ajo u bëri thirrje të gjithë fansave të saj, të respektonin distancën sociale, në mënyrë që të mos prekeshin nga virusi vdekjeprurës.
