Ish-deputetja e PD-së, Orjola Pampuri akuzon qeverinë se nuk ka mbajtur fjalën, në lidhje me dërgimin e pensioneve për të moshuarit në shtëpitë e tyre.
Në videon e shpërndarë në Facebook nga Pampuri, shihen disa pensionistë të cilët janë detyruar të shkojnë vetë në postë për të marrë pensionin, pasi sipas tyre askush nuk është paraqitur në shtëpi për t’ua dorëzuar.
Ish-deputetja i bën thirrje qeverisë që të mbajë fjalën e dhënë, pasi po rrezikon që të moshuarit të preken nga koronavirusi.
Postimi i plotë:
Thirrja e trishtueshme e pensionistëve sot, duhet të jetë këmbanë alarmi për çdo Qeveri të përgjegjshme. Ato janë shtesa më e rrezikuar nga përhapja e virusit COVID-19.
Partia Demokratike bën thirrje që pa asnjë vonesë të nisë shpërndarja e pagesës së pensionit në shtëpi për çdo pensionist, si dhe furnizimi me ushqime dhe ilaçe të të moshuarve që jetojnë vetëm apo të të pamundurve për shkaqe invaliditeti dhe janë më të rrezikuarit nëse dalin në rrugë.
Situata kërkon masa dhe veprime të menjëhershme. Në këtë kohe krize, fjalët e bukura të Qeverisë nuk mjaftojnë. Propaganda në kohë krize, nuk ndihmon, por mund të kushtojë jetë.
Media edhe sot ka dokumentuar se realiteti përballë fjalëve të Qeverisë nuk përputhen! ???
