Pas mbledhjes online, bashkëkryetarja e Komisionit për Reformën Zgjedhore, Rudina Hajdari, ka deklaruar se po shqyrtohen draftet e opozitës, por jo të gjitha janë të realizueshme. Sipas Hajdarit, Reforma Zgjedhore duhet të ecë sa më shpejt, por beteja e saj për ndryshimin e sistemit zgjedhor vijon deri në fund. Ajo i mëshoi faktit se beteja e saj për sistemin zgjedhor nuk do ndalet, ndërsa vuri në dukje se mundësitë janë që të anëtarësohemi në BE.
”Komisioni po sheh të gjitha propozimet që janë paraqitur nga palët, edhe nga opozita. Konsensusi është fjali kryesore. Nëse ka një Reformë Zgjedhore që do i japë fund mënyrës si procedohet me zgjedhjet, atëherë ne duhet të merremi me të.
Beteja ime për sistemin zgjedhor, do të vazhdojë. Parlamenti sot nuk e gëzon sovranitetin e popullit. Jam gati që Shqipëria të ecë përpara, dhe të futet në BE dhe Reforma Zgjedhore të mbarojë sa më parë.
Kemi shansin të anëtarësohemi në BE dhe pse të ngelet peng Reforma Zgjedhore. Të lëmë interesat e ngushta politike, por të shohim interesat e shqiptarëve”, tha Hajdari.
