Rama garantoi sot qytetarët të cilët kanë mbyllur aktivitetin ekonomik, se pagat e tyre do të kompensohen. Shefi i qeverisë thotë se po hartohet plani i kompensimit, dhe deri në fund të muajit do të jenë shlyer të gjitha rrogat e punonjësve të bizneseve private që po qëndrojnë në shtëpi, në kuadër të masave për koronavirusin.
Lidhur me këto masa, një reagim ka ardhur nga krydemokrati Basha, i cili flet për masat ekonomike dhe sociale të propozuara nga PD.
“Masat ekonomike dhe sociale të propozuara nga PD janë të qarta dhe lehtësisht të zbatueshme për t’ju ardhur në ndihmë familjeve në nevojë dhe të moshuarve që jetojnë në kushte të vështira, dhe për të ndihmuar ekonominë.
Le të jemi solidarë e të bashkuar në ndihmë të njeri-tjetrit”, shkruan ai në një postim në Twitter.
Masat ekonomike dhe sociale të propozuara nga PD janë të qarta dhe lehtësisht të zbatueshme për t’ju ardhur në ndihmë familjeve në nevojë dhe të moshuarve që jetojnë në kushte të vështira, dhe për të ndihmuar ekonominë.Le të jemi solidarë e të bashkuar në ndihmë të njeri-tjetrit. pic.twitter.com/L4rt8QbOiy
— Lulzim Basha (@lulzimbasha_al) March 17, 2020
