Të infektuarit me Covid-19 nuk do votojnë? Meta: Kjo është çmenduri

Presidenti i Republikës, Ilir Meta ka komentuar deklaratën e kryeministrit Edi Rama, i cili tha se të ionfektuarit me Covid-19 nuk do të votojnë në 25 prill.

I ftuar në “Çim Peka live”, Meta tha se mohimi i të drejtës për të votuar, ndaj të gjithë të infektuarve me Covid-19 është një çmenduri.

Ndër të tjera, Meta u shpreh se kjo çështje nuk duhet lënë me kaq, por duhet një zgjidhje.

Ilir Meta: “Të infektuarit me COVID nuk do votojnë? Kjo është çmenduri. E drejta për të votuar është e drejtë kushtetuese. Nuk mundet një arsye shëndetësore të bëhet shkak që të t’i hiqet e drejta kushtetuese. Nuk është faji i tij që ka COVID. Të merren masat, zgjidheni vetë. Keni rastin e Kosovës, dhe jepi drejtim.”