Këshilli i Bashkimit Europian i ka dërguar një letër pune në datën 5 maj delegacioneve të vendeve të unionit.
Në paragrafin për Shqipërinë dhe Maqedoninë e Veriut, Këshilli ka kërkuar që për këto dy vende të fillojnë negociatat e anëtarësimit me BE sa më shpejt të jetë e mundur, duke e cilësuar proces shumë thelbësor, teksa përmendet qartë përmbushja e reformave të nisura nga dy vendet.
“Për Shqipërinë dhe Maqedoninë e Veriut, vetë procesi i pranimit në BE ka siguruar nxitja më e fortë për reformat dhe si e tillë, më shumë demokraci, stabilitet dhe prosperitet për të popullatat përkatëse. Tani është thelbësore që negociatat e pranimit të fillojnë sa më shpejt të jetë e mundur dhe të ecim përpara, së bashku me ruajtjen e vrullit të reformave në dy vende”, thuhet në paragrafin 21.2.
Ndërkohë, Komisioneri për Zgjerimin dhe Fqinjësi në Bashkimin Europain, Oliver Varhelyi është shprehur se është e nevojshme që të fillojnë negociatat me Shqipërinë dhe Maqedoninë e Veriut, për integrimin në union.
Deklaratën, Varhelyi e bëri pas përfundimit të mbledhjes së Ministrave të Jashtëm të BE-së, teksa shtoi se perspektiva e rajonit në Bashkimin Europian është e padiskutueshme.
At Foreign Affairs Council #FAC for @EU_Commission today. Good discussion on #WesternBalkans, confirming that the region’s #EU perspective is unquestionable & commitment to further step up engagement. Need to launch accession talks w ???? & continue Belgrade-Pristina dialogue. pic.twitter.com/5VfsFfN7Kw
— Oliver Varhelyi (@OliverVarhelyi) May 10, 2021
