Kryeministri Edi Rama kërkon votëbesimin e qeverisë së re për mandatin e tretë radhazi. “Qeveria me vëmendjen më të lartë të grave në Shqipëri. Jam krenar. Nuk ishte pikënisje e qëllimshme, por pikëmbërritje e natyrshme. Përbërja e qeverive të kësaj shumice, ka qenë një pasqyrë e përpjekjeve kuptimplotë. Kjo qeveri do të hyjë në histori për përbërjen e grave, pasi u kemi dhënë atyrë vendin e merituar. Me votëbesimin e këtij kabineti të ri, Shqipëria ngjitet në krye të klasifikimit të OKB për numrin e grave dhe vajzave në qeveri”, u shpreh Rama.
Kreu i qeverisë i ka shtrirë dorën e bashkëpunimit Partisë Demokratike në Kuvend. Ai tha se është i gatshëm të dialogojë me PD-në, dhe nuk synon asnjë kompromis që nuk e dëshirojnë.
“Në këtë sallë të gjithë pas 2 vjetësh, dhe pas një palë zgjedhjesh të fituar qartësisht nga një palë, e kontestuar. Përsëri një deja vu, e këtyre dekadave që shpresoj mos sjellë në skenë shfaqje ekstreme si ato të mandatit të shkuar. Ky institucion i pazëvendësueshëm.
Ky adresim kaq i rëndësishëm për votëbesimin e qeverisë së re, do të ishte krejt i mangët, nëse përpara do të flas për investimet, taksat, nuk do të flisja për elefantin në këtë vend. Duam apo s’duam të rrijmë bashkë, në një çati, për 4 vite. Jo me kë na pëlqen të kemi përkrah, por dhe kë kemi përballë. Rritja e mirëqënies nuk varen vetëm nga të ardhurat e shpenzimet, por dhe institucionet, besimi i qytetarëve tek kjo.
Në radhë të parë, këtu në institucionin më të lartë të përfaqësimit. Nuk jemi të detyruar të merremi vesh për gjithçka, madje mund të mos merremi vesh për agjë. Por progresi nuk varet nga sa shpesh bien dakord qeveria me opozitën, por mënyra si e adresojnë.
Tjetër të polemizosh, tjetër të shahesh e kërdisesh. Tjetër të votosh kundër, tjetër të grisësh fletën e votimit. Kur mos rrënçim dakord, në fund vota vendos. Por s’mund të mos sillemi si njerëz, prindër fëmijësh e fëmijë prindërish. Që kjo sallë mos zhytet në llucën e vulgaritetit. Por as kush bën më të fortin, nuk del i fituar. Të gjithë nuk kemi shkëlqyer në sytë e qytetarëve.
Shumë skena dhe fjalë për të cilat s’mund të jem krenarë. Shumë sherr e shamata për të mos dalë asgjëkund, nga kujtesa. Shumë mundësi të humbura për të bërë më mirë.
Kur dalim që këtu pasi lëmë nam, gjithmonë fajin se kemi ne, por gjithnjë ata, pala tjetër, si kalamajtë e ka kush e ka. S’dua të drejtoj gishtin te pala tjetër, por mbaj fajin tim, për aq sa na takon. Duhet të jetë më shumë se unë dhe ne nga sa na takon. Dora jonë është e shtrirë drejt PD, vijë mendimi, jo fjalë për kaluar radhën.
Të jemi të qartë, nuk duam lëshim nga ju, jemi gati të dialogojmë për çdo lëshim që ju doni. Nuk synojmë të arrijmë asnjë kompromis që nuk e dëshironi, jemi gati për çfarë dëshironi për njerëzit e të ardhmes”, u shpreh Rama.
Ajo që ra në sy lidhej me prezencën e bashkëshortes së kryeministrit Rama në Kuvend.
Në fillim të seancës së sotme plenare, kryetarja e Kuvendit, Lindita Nikolla, u ka bërë thirrje deputetëve të Kuvendit të Shqipërisë që të vaksinohen kundër Covid. Nikolla po ashtu u drejtoi thirrje deputetëve në sallë që të respektojnë masat anti-Covid, duke vendosur maskat e tyre.
“Ju lutem të mbajmë maskën, vetëm në momentin kur diskutoni, do e heqim. Duhet të jemi shembull për respektimin e masave të vendosura nga Komiteti Teknik”, tha ajo.
