Operacioni Forca e Ligjit, u kërkon vetëdeklarimin e pasurisë, 3 ish-të dënuarve për prostitucion, trafikim të miturish dhe vjedhje me armë.
OFL i ka nisur kërkesat me shkrim për vetëdeklarimin e burimeve të pasurisë, shtetasve:
Ferdinand Etemi alias F. E., banues në Berat, i dënuar për veprën penale “Shfrytëzimi i prostitucionit”;
Elton Drapi, banues në Tiranë, i dënuar për veprën penale “Trafikimi i të miturve”;
Dorjan Memaj, banues në Shkozë, i dënuar për veprën penale “Vjedhja me armë”, e kryer në bashkëpunim.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
