Kryeministri Edi Rama ka reaguar pas zbardhjes së dokumenteve të mashtrimit të madh të vitit 2017, ku Ministria e Brendshme Italiane akuzon Sali Berishën dhe Ilir Metën, se kanë aktivizuar Ilir Kullën për të publikuar në Itali, një fakenews që të nxiste rënien e qeverisë së Edi Ramës në Tiranë. Duke iu referuar lajmit të rremë, pretendohej se në Shqipëri kishin mbërritur 1300 kontenierë me mbetje toksike për tu groposur në vendin tonë. Sipas shkresës që është hartuar nga Drejtoria e Policisë Kriminale të Italisë, tashmë është vërtetuar se gjithçka ishte një sajim, që u krye në bashkëpunim të ish-senatorit italian, Sergio de Gregorio dhe mikut të tij shqiptar Ilir Kulla.
Kreu i qeverisë, Edi Rama e cilëson si një akt të shëmtuar atë të pagimit të parave, për të përhapur në botë shpifje. Ai i drejtohet Metës, ku thotë se shitet si patriot.
“Çfarë shëmtie! Të paguash para të zeza për të përhapur në botë shpifje që sterrosin vendin ku të kanë bërë kryeministër, kryeparlamentar, president! Të blesh pisa të huaj për ta bërë pis atdheun ku shitesh si patriot i përvëluar #PaAtdhe #PaDin #PaIman”, shkruan Rama.
Çfarë shëmtie! Të paguash para të zeza për të përhapur në botë shpifje që sterrosin vendin ku të kanë bërë kryeministër, kryeparlamentar, president! Të blesh pisa të huaj për ta bërë pis atdheun ku shitesh si patriot i përvëluar #PaAtdhe #PaDin #PaIman https://t.co/1F43RWhI2j
— Edi Rama (@ediramaal) October 3, 2020
