Kryeministri Edi Rama njofton se ekipet e Task Forcës kanë dalë sot në terren, për të këshilluar qytetarët për mbajtjen e maskës në rrugët e populluara të Tiranës.
Duke e demostruar me anë të pamjeve, kreu i qeverisë shprehet se Task Forca ndërinstitucionale është në krye të detyrës, për zbatimin e masave anti-COVID, për të mbrojtur shëndetin e qytetarëve.
Ekipet e Task Forcës kanë vijuar edhe sot këshillimet për mbajtjen e maskës, për të rritur ndërgjegjësimin nga ana e qytetarëve.
Kjo për të mirën e përbashkët, mbrojtjen e shëndetit. Ajo çfarë vihet re nga pamjet që ka shpërndarë Rama në Facebook, lidhet me faktin që qytetarët neglizhojnë.
Kontrollet në terren kanë nxjerr në pah shumë problematika, ku qytetarët e mbajnë maskën prej frikës. Mbajtja tek mjekra nuk i shërben askujt, madje nuk mbron individin që e mban.
Maska duhet të mbulojë gojën dhe hundën, për të qënë të sigurtë pas kontaktit me personat e tjerë.
Në këto kontrolle ka qenë i pranishëm edhe z. Shkëlqim Hajdari, i cili në përballjen që pati me qytetarët që nuk mbanin maska, i këshilloi për të mbrojtur veten e më tej familjarët. “Të bindim njëri-tjetrin se është e nevojshme për t’u vënë, sepse historitë që po ndodhin janë të tmerrshme. S’është puna për të vënë gjoba, por ta kuptojnë se kjo duhet vënë”, tha kryeinspektori Shkëlqim Hajdari.
Për monitorimin e mbajtjes së maskave dhe zbatimit të masave anti-covid në terren por edhe në ambientet brenda, është ngritur një rrjet inspektorësh që u quajt “Task Forca” pro shëndetit. Kjo Task Forcë nuk do të jetë gjobëvënës, pasi gjobat vendosen nga policia, por do të jetë këshilluese dhe monitoruese që të lajmërojë edhe policinë se diku nuk po respektohen masat anti-COVID.
Statusi
Task Forca ndërinstitucionale është në krye të detyrës për zbatimin e masave antiCOVID, për të mbrojtur shëndetin e qytetarëve.
Ekipet e Task Forcës kanë vijuar edhe sot këshillimet për mbajtjen e maskës në rrugët më të populluara të Tiranës, për të rritur ndërgjegjësimin për rëndësinë e veprimeve individuale për të mirën e përbashkët.
