Eksperti i Shëndetit Publik, Erion Dasho, është revoltuar ndaj organeve të Shëndetësisë në lidhje me statistikat e të infektuarve dhe të vdekurve nga COVID-19.
Duke marrë shkas të bërjes publike nga Ministria e Shëndetësisë të emrit të mjekut Elmaz Eltari që humbi jetën nga COVID-19, Dasho shkruan se ministria duhet të kërkojë falje publike nëse nuk ka marrë lejen e familjarëve për këtë.
Mjeku i njohur 85-vjeçar, ish drejtues i klinikës infektive në QSUT, nuk ia doli dot mbanë si pasojë e koronavirusit vdekjeprurës.
Statusi
PAK RESPEKT, JU LUTEMI!
Pardje humbi jetën profesori, këshilluesi, mentori, kolegu dhe miku i shumë prej mjekëve të sotëm, Prof. Eltari. Duke uruar që profesori ynë i nderuar të prehet në paqe i kujtuar nga studentët, kolegët dhe pacientët, një kërkesë për ministrinë.
Në respekt të së drejtës për fshehtësinë e informacionit, emrin e profesorit ta heqë nga deklarata ditore e COVID. Në se familjarët e profesorit kanë dhënë leje për të bërë publik emrin, atëherë le të korrigjojnë dhe të vendosin në deklaratë emrin e saktë.
