Krahu i djathtë i Boris Johnson, Dominic Cummings po merr shumë kritika negative në rrjet, pasi është zbuluar së fundmi se ai vetë ka thyer karantinën duke udhëtuar për tek prindërit e tij.
Këshilltari i Johnson ka udhëtuar nga Londra drejt fermës së prindërve në Durham në muajin mars, për tu vetë-izoluar atje me simptoma koronavirusi, pavarësisht kufizimeve të qeverisë që ndalonin rreptësisht udhëtimet jo thelbësore.
Shefi i policisë, Martyn Underhill tha se kur të përpiqen të ndalojnë njerëzit që do të dalin për të marrë rreze dielli, njerëzit do t`ua “përplasin” në fytyrë këtë shkelje flagrante dhe nuk do pranojnë t’i binden masave.
Burime pranë Cummings ndërkohë thonë se ai nuk është i shqetësuar nga “stuhia” që kanë shkaktuar veprimet e tij dhe as nga zërat për dorëheqje, ndërsa shtojnë se shanset që të
Cummings ka thënë mediat britanike se ishte tek shtëpia e motrës së tij, për të marrë djalin i cili ishte tek ajo pasi po kujdesej për të gjatë pandemisë.
Mbretëria e Bashkuar është vendi më i prekur nga koronavirusi në Evropë, duke shënuar më shumë se 254 mijë raste infektimi dhe mbi 36 mijë viktima.
