Në Xhenova moti i keq po shkakton trazira dhe dëme. Tre alpinistë të rinj rezultojnë të zhdukur në Piani di Praglia.
Sipas mediave italiane, zjarrfikësit ndodhet në vendngjarje me ekipet e kërkimit në një zonë të largët, ndërsa rrethanat e zhdukjes së tre të rinjve nuk dihen.
Në orët e para të pasdites, një tornado shkaktoi rënien e disa kontejnerëve pranë portit në Xhenova, por pa persona të lënduar.
Liguria është rajoni i vetëm me një alarm të verdhë të lëshuar nga Departamenti i Mbrojtjes Civile sot, dhe alarm portokalli portokalli nesër, që nënkupton se përkeqësohet edhe më tepër moti.
Ekziston një probabilitet i lartë për stuhi të forta, të cilat mund të bëhen të vazhdueshme në të gjitha zonat nga mesdita, raportojnë mediat vendase.
Shirat e rrëmbyeshëm që kanë përfshirë rajonin që nga mbrëmë kanë shkaktuar përmbytje në qytetin e Xhenovës, duke përfshirë nënkalimin Brin, nënkalimin Via Milano dhe nënkalimin Via Perlasca. Ato kanë shkaktuar gjithashtu mbyllje të herëpashershme të rrugës Aurelia në drejtimin perëndimor të Arenzanos për shkak të një rrëshqitjeje dheu pranë tunelit Pizzo.
Reshjet intensive sollën shembjen e murit të një parku publik, duke dëmtuar disa automjete të parkuara. Ndërkohë, një rrymë e fuqishme ere dhe një tornado goditën zonën e portit, ku u rrëzuan pemë dhe kontejnerë ranë nga lartësi të mëdha. Fatmirësisht nuk raportohen të lënduar.
Erërat e forta shkaktuan gjithashtu dëmtimin e çatisë së ndërmarrjes bashkiake të pastrimit.
Ekipet e zjarrfikësve, policisë dhe Mbrojtjes Civile janë mobilizuar për të menaxhuar situatën, ndërsa disa banesa në katet përdhese dhe nënkalime janë përmbytur. Qarkullimi është pezulluar në rrugën Aurelia, një aks i rëndësishëm që lidh Italinë me Francën.
Sipas meteorologëve, moti i keq pritet të zhvendoset brenda orëve të ardhshme drejt veriut të Italisë dhe rajonit të Toskanës.
