Shtëpia e Bardhë në SHBA pritet që t’i propozojë Kosovës dhe Serbisë krijimin e një zone të përbashkët ekonomike.
Propozimi pritet të bëhet gjatë takimit që dy vendet do të kenë këtë të shtunë në Shtëpinë e Bardhë. Bëhet me dije se ky propozim është mirëpritur edhe nga Oda Ekonomike Amerikane në Kosovë. Kjo e fundit është shprehur se krijimi i kësaj zone do të rriste bashkëpunimin mes shteteve dhe do të sillte investime të huaja.
Përveç zonës ekonomike, dy vendeve mund t’u propozohet edhe menaxhimi i përbashkët i pasurive natyrore ndërkufitare.
Gjithashtu, në mbledhje pritet që të diskutohet edhe për përcaktimin e aspekteve teknike të marrëveshjeve preliminare, për komunikacionin ajror dhe hekurudhor, si dhe përmirësimin e infrastrukturës rrugore.
