Zyrtari i lartë amerikan, Matthew Palmer, pasi u takua me drejtuesit e opozitës gjatë ditës së sotme u takua edhe me kreun e shtetit, Ilir Metën. Ky i fundit bëri një njoftim të shkurtër në rrjetet sociale, ku thuhet se është biseduar për situatën e vështirë politike në vend.
“Takim i hapur dhe miqësor me Zëvendës Ndihmës Sekretarin e Shtetit për Europën, Matthew Palmer mbi situatën e vështirë politike në vend dhe rrugëdaljet për të ecur përpara. Interes i ndërsjelltë për forcimin e demokracisë dhe shtetit të së drejtës, që qëndrojnë në themel të partneritetit strategjik mes dy vendeve,” shkruan Meta.
Më herët gjatë ditës, Palmer takoi Bashën dhe Kryemadhin, si dhe zhvilloi një bashkëbisedim me gazetarë.
