Kreu i PDIU-së, Shpëtim Idrizi ka treguar detaje nga takimi me presidentin Meta. Ky takim ka për qëllim dakordësimin mes palëve politike për caktimin e një datë të re zgjedhjesh vendore.
Në një deklaratë për mediat, Idrizi u shpreh se e vlerëson aktin për anulimin e zgjedhjeve vendore të 30 qershorit. Mirëpo, sipas tij nuk është koha për të folur për një datë të re zgjedhjesh, ndërsa shtoi se ka ardhur momenti i përgjegjësisë politike.
“Ky takim me Metën vjen në një situatë shumë të vështirë për demokracinë. Ndamë shqetësimet për situatën e rëndë ku ndodhemi, vlerësojmë aktin për çdekretimin e 30 qershorit, por i bëmë të qartë se sot nuk është dita dhe momenti për të diskutuar për datë të re por të ikim nga spiralja ku jemi fut, që po e nxjerr vendin jashtë shinave, momenti kur kokat e nxehta, që e kanë në dorë, të ulen në diskutime.
Ajo që na intereson ne është që Shqipëria të bëjë zgjedhje të ndershme dhe jo të kontaminuar për shkak të shitblerjes së votave.
Është momenti që është koha e përgjegjësisë politike për të bërë një pakt të madh për të gjitha forcat politike, i bej thirrje arsyes së Edi Ramës.
Imagjinoni ca do ndodhte nëse opozita do vendoste që zgjedhjet të bëhen në 10 korrik, është koha ti kthehemi arsyes”, u shpreh Idrizi.
