Në pritje te vendimit nga gjykata për ish-ministrin e Brendshëm, Saimir Tahiri, vjen edhe reagimi i nënkryetari të PD-së, Edi Paloka.
Përmes një postimi në Facebook, Paloka shprehet se Tahiri me deklaratën e tij për ‘shefin e madh’ tregoi të vërtetën, duke nënkuptuar se ai është kryeministri Rama.
Sipas Palokës, të gjitha veprat korruptive për të cilat akuzohet Tahiri, janë bërë me bekimin e Ramës.
“Tahiri tha një të vërtetë, po jo ndonjë të re…Edhe më idioti në këtë vend e di që “shefi i madh” është Edvini dhe as Tahiri e askush tjetër që është zhgrryer në krim e korrupsion këto vite, nuk e ka bërë pa bekimin e Ramës”, shkruan Paloka në postimin e tij.
