Ish-ministri i Brendshëm, Saimir Tahiri, do të përballet me Gjykatën e Krimeve të Rënda. Pritet që nesër të nisë gjyqi për ish-ministrin i cili akuzohet nga Prokuroria për “trafik të lëndëve narkotike, kryer në bashkëpunim, grup i strukturuar kriminal”. Në seancën e së mërkurës do të shqyrtohet edhe kërkesa për gjykim të shkurtuar që ka kërkuar Tahiri, përmes avokatit të tij mbrojtës.
Tre gjyqtarët që do të shqyrtojnë dosjen penale të ish-zyrtarit të lartë, i cili akuzohet për favorizim të grupit kriminal Habilaj në trafikun e drogës nga Shqipëria drejt Italisë, janë Ardit Mustafaj, Flora Hajredinaj dhe Irena Gjoka.
Ish-ministri i ka mohuar akuzat e Prokurorisë, pasi sipas tij, organi i akuzës nuk ka asnjë provë kundër tij.
