Mëngjesin e sotëm Irani ka bërë reagimin e parë në shenjë hakmarrje për vrasjen e gjeneralit Soleimani, duke goditur me raketa baliste dy baza amerikane në Irak. Edhe pse ende nuk ka një informacion zyrtar, mediat ndërkombëtare raportojnë për 80 të vdekur dhe 200 të plagosur.
Pas sulmit ka reaguar Lideri Suprem i Iranit, Ayatollah Ali Khamenei. Sipas tij, Irani po reagon kundër ngacmuesve të botës. Për të martirizimi i i gjeneralit tregon forcën e revolucionit të Iranit përpara botës. “vendi është i pajisur sot kundër ngacmuesve të botës. Martirizimi i komandantit të vrarë Qasem Soleimani tregon gjallërinë e revolucionit tonë para botës”, raporton “Bbc.
Goditjen e dy bazave amerikane ai e ka komentuar: Mbrëmë, ne u kemi dhënë një shuplakë në fytyrë.
Ai shton: “Kur bëhet fjalë për konfrontim, veprimi ushtarak i këtij lloji nuk është i mjaftueshëm. Ajo që është e rëndësishme është që prania e korruptuar e Shteteve të Bashkuara duhet të marrë fund”.
