Suedia nuk do të lejojë hyrjen e shtetasve nga Britania e Madhe dhe Danimarka, për shkak të shfaqjes së variantit të ri të koronavirusit në këto vende.
Ky vendim vjen për herë të parë që nga fillimi i pandemisë, kur Suedia as që kishte menduar për mbylljen e kufijve.
“Mutacioni i virusit është konfirmuar në Danimarkë dhe disa vende të tjera. Por, Danimarka ka pësuar një përhapje të madhe kohët e fundit , ndaj dhe duhet të shtojmë kujdesin, sidomos në të gjitha qendrat tregtare gjatë Krishtlindjeve dhe festave,” tha Ministri i Punëve të Brendshme, Mikael Damberg.
Sipas Organizatës Botërore të Shëndetësisë, (OBSH) aktualisht nuk ka asnjë provë që tregon ndonjë ndryshim në ashpërsinë e sëmundjes.
Norvegjia, Danimarka dhe Finlanda kanë vendosur të gjitha kufizime të udhëtimit disa herë gjatë pandemisë në Suedi, e cila ka parë një numër shumë më të lartë të vdekjeve sesa pjesa tjetër e Nordikëve.
