Pas dëmeve të shumta që shkaktoi në Angli, stuhia ‘Ciara’ ka përfshirë edhe shumë vende tjera të Evropës.
Stuhia ka gjunjëzuar Gjermaninë dhe Zvicrën, ndërsa dëmet më të mëdha janë shkaktuar në Francë. Mediat e huaja bëjnë me dije se të paktën 8 viktima janë regjistruar në Poloni, Çeki, Francë, Gjermani dhe Suedi.
Në 42 rajone të Francës autoritetet kanë ngritur alarmin, teksa gati 130 mijë banesa kanë mbetur pa energji elektrike. Dhjetëra fluturime janë anuluar në aeroportin Charles de Gaulle kurse 150 të tjerë në Këln e Dyseldorf.
Raportohet se edhe në Gjermani ka pasur disa të plagosur nga stuhia, ndërsa 3 prej tyre janë në gjendje kritike për jetën. Stuhia ka mbërritur edhe në Sardenja dhe në rajonet qendrore të Italisë.
