Një nga studentet shqiptare që u kthye dje nga Kina është shtruar në spitalin infektiv në Tiranë. Dyshimet e para kanë qenë si mbartëse e virusit misterioz kinez. Pas ekzaminimit, mjekët kanë njoftuar se ajo nuk është e prekur nga koronavirusi, por ka grip të thjeshtë, raporton BW. Megjithatë, pritet që në vijim të jepet një informacion zyrtar mbi këtë rast.
Deri tani janë shënuar 132 viktima në gjithë botën nga virusi kinez dhe mbi 6000 të infektuar. Tri ditët e fundit, harta e përhapjes është zgjeruar në 16 shtete. Dje u konfirmuar dhe rasti i parë në Gjermani. Më herët, pacientë të prekur nga virusi u konfirmuan edhe në Francë.
