Para një jave, në Wuhan u evakuuan të gjithë qytetarët amerikanë me avionët e vënë në dispozicion nga ushtria amerikane. CNN raporton se amerikani i parë i evakuuar ka qenë i infektuar nga virusi dhe është liruar gabimisht nga spitali.
Sipas ÇNN, në analizat e para ai kishte rezultuar i pa infektuar nga virusi dhe është lërë i lirë nga spitali në San Diego. Megjithatë, duke qenë se SHBA-ja kishte shpallur gjendjen e emergjencës kombëtare, për siguri ai u dërgua në një karantinë disa ditore në Universitetin e Kalifornisë.
“Këtë mëngjes, zyrtarët e këshilluan Autoritetin e Shëndetit Publik në San Diego që, pas testeve shtesë, njëri nga katër pacientët është i infektuar me koronavirus”, thuhet në deklaratën e autoriteteve shëndetësore në San Diego.
Një person tjetër u shtrua gjithashtu në spital të hënën pasdite dhe është duke u testuar për koronavirus. Mjekët thanë se dy pacientët ndodhen në gjendje të mirë dhe janë duke shfaqur simptoma minimale.
