Rritja e numrit të infektimeve ka sjellë edhe rritjen e numrit të personave që u janë drejtuar spitaleve COVID në Tiranë për shkak të komplikacioneve në shëndetin e tyre.
Për pasojë, spitalet COVID në Shqipëri janë të tejmbushur, ndaj dhjetëra qytetarë shqiptrë kanë zgjedhur spitalin e Prizrenit për të marrë trajtimin mjekësor.
Familjarët e këtyre pacientëve kanë deklaruar për ”Fax News”, se kanë zgjedhur Kosovësn pasi spitalet në Shqipëri nuk kanë siguri dhe shërbimi është i dobët.
Gjithashtu, ata tregojnë se në Kosovë nuk u kanë kërkuar kurrë lekë, madje as nuk i pranojnë kur pacientët tentojnë t’ua japin.
“Asnjëherë nuk na kanë kërkuar para. Edhe nëse duam t’u japim diçka nuk i marrin. Në Shqipëri shërbimi është i dobët dhe nuk ka siguri. Këtu mjekët nuk na kërkojnë para”, tregojnë familjarët e pacientëve shqiptarë që po trajtohen në Prizren.