Spanja ka shënuar një ulje të numrit të viktimave nga koronavirusi në krahasim me ditën e djeshme.
Në 24 orët e fundit, në Spanjë janë regjistruar 138 viktima, 79 më pak se ditën e djeshme. Kështu numri total i personave që kanë humbur jetën nga COVID-19 në Spanjë ka shkuar në 27,459.
Një ulje e lehtë vërehet edhe tek numri i rasteve të reja. Gjatë 24 orëve të fundit, në Spanjë janë shënuar 1,721 raste të reja, rreth 170 më pak se një ditë më parë.
Me mbi 272 mijë raste infektimi, Spanja mban vendin e dytë në botë për numrin më të lartë të rasteve të konfirmuara me COVID-19.
Rreth 189 mijë persona janë shëruar ndërsa mbi 57 mijë raste janë ende aktive. Ndërkohë 1,376 persona ndodhen në gjendje të rëndë shëndetësore.
Koronavirusi ka prekur më shumë se 4,5 milionë njerëz nga e gjithë bota, ndërsa i ka marrë jetën mbi 304 mijë personave.
