Situata nga koronavirusi në Spanjë po përkeqësohet dita ditës.
Sipas Worldometer, brenda 24 orëve të fundit në Spanjë janë shënuar 602 viktima, shifra këto që nuk janë shënuar as në Kinë.
Kështu numri total i vdekjeve në Spanjë ka shkuar në 2,808, teksa numri i rasteve me Covid-19 ka shkuar në 39,885.
Nga këto raste, vetëm 3,794 pacientë kanë arritur të shërohen.
Ky numër aq i madh viktimash brenda një dite është shënuar vetëm në Itali, e cila brenda 24 orëve ka shënuar më shumë se 700 viktima.
Spanja deri më tani renditet e treta në botë për numrin më të madh të viktimave të shënuara nga Covid-19, pas Italisë dhe Kinës.
Ndërkohë nëse vazhdon me këto ritme Spanja pritet të ia kalojë shumë shpejt edhe Kinës(3,277 viktima) për numrin më të madh të vdekjeve të shënuara nga koronavirusi.
Italia mban vendin e parë në botë për numrin më të madh të viktimave nga koronavirusi, me mbi 6,800 vdekje.
