Italia në finalen e Europianit. Skuadra e Roberto Mançinit, arritën të triumfonin me 11 metërsha ndaj Spanjës, duke siguruar një biletë për në finalen e madhe të 11 korrikut.
Koha e rregullt përfundoi në barazim 1-1 falë golave të Kiezës dhe Moratës, teksa në gjuajtjen e penalltive, italianët u treguan më të saktë, duke arritur një kualifikim mëse të merituar.
45 minutat e para ishin mjaft të bukura dhe me ritëm, por asnjëra nga skuadrat nuk mundi të shënojë.
Spanjollët ishin zotër të topit dhe e mbyllën Italinë në gjysmëfushën e tyre sidomos në pjesën e parë, teksa rastin më të pastër e pati Dani Olmo, i cili pranë zonës goditi topin, por u ndal nga portieri Donaruma.
Pak para mbylljes së pjesës së parë, Italia rrezikoi seriozisht portën e Unai Simon, por gjuajtja e Emerson u ndal nga traversa dhe shkon jashtë kuadratit.
Ndërkohë, me fillimin e pjesës së dytë Italia ishte më kërkeuse dhe gjeti golin e avantazhit në minutën e 60-të. Fantazisti Kiesa realizoi një gol mjaft të bukur me anë të një kundërsulmi.
Megjithatë, Spanja reagoi dhe në minutën e 80-të Morata vuri baraspeshën. Mbrojtja e Italisë çahet në qendër, teksa sulmuesi i Juventusit, nuk fal përballë Donarumës, duke tundur rrjetën.
