E shtunë, 24 Korrik, 2021
19.5 C
Tirana

Tregu i këmbimit në kohë pandemie, numri i bizneseve zgjerohet me 7%

Gjatë vitit 2020, pavarësisht situatës së krijuar nga pandemia COVID-19, veprimtaria e këmbimit valutor pësoi zgjerim me ritme të shpejta.

Sipas të dhënave të Bankës së Shqipërisë në Raportin Vjetor të Mbikëqyrjes, tregu i këmbimeve valutore u zgjerua me 7%. Numri i bizneseve të këmbimit arriti në total në të gjithë vendin në 538 nga 503 që ishin me 2019.

Banka e Shqipërisë pohoi se pavarësisht se një vit pandemik vijuan aplikimet për ushtrimin e veprimtarisë financiare të këmbimit valutor. Gjatë vitit 2020 u dhanë 43 licenca të reja të zyrave të këmbimit valutor, si dhe u revokuan 8 licenca, ndërsa u refuzuan 3 aplikime.

Numri i zyrave të reja të këmbimit valutor është zgjeruar me ritme më të shpejta se linjat e tjera të bizneset në sektorë të tjerë të ekonomisë.

Nga viti 2010 në vitin 2020 numri i zyrave të këmbimit valutor është dyfishuar duke arritur në 538 të tilla nga 284 që ishin në vitin 2010.

Gjatë inspektimeve që u ushtruan nga Banka e Shqipërisë gjatë vitit 2020 në zyrat e këmbimit valutor u gjeten problematika që kishin lidhje me mosrespektimin e rregullore kundër pastrimit të parave.

Shumë zyra kishin mungesë të një rregulloreje të brendshme në funksion të parandalimit të pastrimit të parave dhe financimin e terrorizmit (PPP/PFT), kur aktiviteti ushtrohet nga jo më pak se tre persona.

Në shumë raste nuk respektuan procedurat identifikuese të klientëve, identifikim i klientëve dhe verifikim të identitetit të tyre dhe mangësi në ruajtjen e dokumentacionit mbështetës të veprimeve valutore.

Zyrat e këmbimit nuk respektuan kërkesat për marrjen e masave parandaluese për krijimin e një sistemi të centralizuar përgjegjës për grumbullimin dhe analizimin e të dhënave, dhe me elemente për identifikimin e anomalive.

Lexo edhe :   Maskohet si femër për ti shpëtuar kontrollit, stjuardesa e kap ‘mat’

Në shumë raste kishte mungesë evidence për raste dyshimi për ngjashmëri emrash me listat e shpallura dhe listën e sanksioneve të Këshilli të Sigurimit të Kombeve të Bashkuara (KSKB) apo evidenca janë kryer verifikime me listat e shpallura.

Lexo edhe :   Maskohet si femër për ti shpëtuar kontrollit, stjuardesa e kap ‘mat’

Nga kontrollet u gjet se kishte njohuri jo të mjaftueshme dhe moszbatimi i detyrimeve ligjore të përcaktuara në ligjin nr. 157/2013, “Për masat kundër financimit të terrorizmit” dhe “Për Parandalimin e Pastrimit të Parave dhe Financimin e Terrorizmit” si dhe akteve nënligjore për PPP/PFT. /Monitor

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...