Spanja është “gjunjëzuar” para koronavirusit.
Autoritetet përkatëse kanë njoftuar se brenda 24 orëve janë shënuar 849 viktima.
Kështu, numri total i viktimave në vendin iberik ka arritur në 8189.
Autoritetet gjithashtu raportuan se numri i personave të konfirmuar si të prekur nga Covid-19 ka shkuar në 94417. Prej tyre, mbi 506 persona janë në terapi intensive.
Kujtojmë se Spanja është një nga vendet më të goditura nga Covid-19 në Europë. Ashtu si Italia, vendi u përball me një shpërthim të menjëhershëm infektimesh dhe vdekjesh.
Spanja njoftoi ditën e djeshme 812 vdekje të reja nga koronavirusi, ndërsa më shumë se 6,000 rastet e reja të konfirmuara të infektimeve e bënë atë vendin e tretë, së bashku me Shtetet e Bashkuara dhe Italinë, që tejkalon totalin e Kinës.
Autoritetet spanjolle e vendosën vendin në izolim dy javë më parë në përpjekje për të ndaluar përhapjen e shpejtë të virusit.
